Diri Ambo

LAGU DIKIR HOK AMBO SUKO

Diri Ambo - Halim Yazid

Ambo nok sambong kesoh diri sediri..
Doh adek kakok kapo, pakat nok denga lagi..
Ambo hormat sanjung, segalo kaseh, segalo puji..
Susoh hok ambo tanggong, adek kakok ambik perati..

Ohhh..ohhhh..ambo raso berbesa hati..
Ohhh..ohhhh..terimo kaseh setinggi-tinggi..

Maso kecik ambo beso makey nasik sajo-sajo..
Kalu ado sekerat ikey, pong keno bagi duo..
Capor como ado gare, jare benar ado gulo..
Baco bok maley-maley, paka minum ayer telago..
Bangun pagi-pagi sauk baju paka seluar..
Mek ambo rebuh ubi, bukuh bui buak bekal..
Dio pesey hari-hari, Lim ngaji lah panda-panda..
Kalu seksok pah tinggi, oghe kato buleh jadi pegawa..

Ohhh..ohhhh..ambo gih skoloh berunggar-runggar..
Ohhh..ohhhh..ambo nok ngaji wi panda-panda..

Ado sakut jugok, cekgu mitok sepuloh riya..
Dio kato skoloh kito nok gih melawat sambil belaja..
Emm takdop apo dolah cekgu sayo tokleh baya..
Oghe laen gih blako, ambo sore jah tingga..
Hok ambo perit sengoti keno gih skoloh alek petey..
Cekgu kato wojid mari, ghumoh kuning ado latehe..
Ambo lah banyok skali, keno hunggar keliling padey..
Kerano ambo tokleh nok beli seluwa pendek, kasut sukey..

Ohhh..ohhhh..malu nyo wei ambo keno pajey..
Ohhh..ohhhh..ni lah baru ambo ghoyak kokrer..

Timo kaseh lah cekgu-cekgu, kerano sudi aja sayo..
Dari darjoh satu hinggo jadi maknusio..
Mitok hala segalo ilmu hok cekgu bui selamo maso..
Di tapok kaki guru, ambo tunduk mitok redha..

Ambo masok di univasiti, taon lapey puloh..
Budok kapo nok gih ngaji toktau la mano jatuh,
Adek-adek kecik lagi rato semak kok daley baroh..
Telitah daley hati, ambo nok ngaji sungguh-sungguh..
Ingat malu kokrer, worih-waroh duk pakat kato..
Toksoh la duduk tupey kalu tidok bako kayo..
Atar skoloh anok jatey, wat ngabih kor haretor..
Tidok kato nok pakat ratey, tulo bantu samah duo..

Ohhh..ohhhh..takdok worih nyo diri ambo..
Ohhh..ohhhh..demo tokse kelih wala sebeloh mato..

Mek denga ayoh masuk jadi peneroko baru..
Daley bukik nok tane getoh kesedar lebih satu..
Pere nge rima gajoh, makey tok makey takdok sapo tau..
Begini lah oghe susoh, nok tanggo anok ngaji di U..
Kerano keadaer begitu, ayoh abik keputuse..
Wahai anok-anok ku, kito pecoh lah tigo jaley..
Ambo Halim anok nombo satu, duk Kualo Lupo ngaji lah sore..
Adek-adek tingga kapo dulu, pakat duduk la limo oghe..

Ohhh..ohhhh..selamat tingga, selamat jaley..
Ohhh..ohhhh..adek hok bongsu, jerit sokmo maley-maley..

Al-kisoh lah ambo pulok, tengoh duk ngaji di U Malaya..
Buku rujukke pong ambo takdok, pakat harak nyo saleng nota..
Beraso malu jugok, masuk majelih hok besa-besa..
Baju ambo muroh telajok, duo belas riya jah sela..
Hari konvokesen, hari utok ayoh bondo..
Penat jerih seribu musim, arap mek ayoh beraso banggo..
Taniah dari saeng-saeng, ambo terimo banyok bungo..
Ambo lah oghe panggil Halim, anok kapo sesok hok buleh bejayo..

Ohhh..ohhhh..akhirnyo ambo buleh sarjano..
Ohhh..ohhhh..syukur pado Allah Maha Kuaso..


saya bukan kelantanian..tp bapa saye saje...so saya layan jugak dikir2 ni..
huhu..saye layan yg halim yazid saje..sbb dulu saye ade kaset die jer..yg lain tiada..huh..skema plak cakap..